الاستاذ:منصور المدير
عدد الرسائل : 4335 العمر : 37 الموقع : https://math37.yoo7.com الاوسمة : نقاط : 38901 تاريخ التسجيل : 17/09/2008
| موضوع: اضحك مع قصيدة " الزواج " الأحد مايو 19, 2013 1:20 pm | |
| السلام عليكم ورحمة الله اليوم انا جايب لكم قصيدة من الشعر الفكاهي , نظمت في" الزواج " وهي لشاعر فكاهي يقطن بولاية بشار , وهي بالدارجة , ولست ادري ان كنتم تفهمون لهجت[size=21]هم التي نتداولها في هذه الجهة ام لا , لايهم , من لم يفهم اي شيء اشرحه له . والقصيدة هذه سمعتها وبحثت عنها , فوجدتها مسموعة فقط , ففكرت في تدوينها ونشرها عبر منتدانا الرحوب . الى هنا اشير الى نقطة هامة في هذه القصيدة , هي ان الابيات الاخيرة الاربعة , وضعتها انا مجاراتا للقصيدة , لانها لم تكن تامة . واليكم القصيدة :
قصيدة الزواااااااج
يقول شاعرنا الحاج الحنفي :
-بسم الله باش بديت , وعلى النبي صليت , وسمعوا لهاذ الحديت , وقولوا لذوك الغائبييين
-بعد الصلاة على المختار , والصحابة لخيار , بوبكر وعلي وعمار , وعثمان والتابعييين
-وفاطمة الزهرا الباتول , وخديجة زوجة الرسول , وعيشة مولات القول , وامهات المومنييين
-راني باغي لا نحكي , نحاجي ولا نشكي , نضحك ولا نبكي , وعذروني يا الفاهمييين
-ما تزعفوا يا كبارات , وسمحوا لي يا صغارات , هاذي لا حكايات , باش نفاجو عالمغمومييين
-الزواج في هاذ الزمان , راه تبدل يا اخوان , ما ولى شي كيما كان , ونساوين زمان تلقاهم وييين
******************************** -نقزتني الوالده , قالتلي نوض دير ليك وحيده , وربي عليها الكبيده , ونعرسوا لك على شهرييين
-قلت انا لبده , تعرفت على وحده , درت ليها هده , عشيت وليت من النادمييين
-تكلمت معاها مرة , هبلتني بالهدرة , ما عرفت انا لمره ولا هي والراجل وييين
-خلعتني مع الدخله , بغات اللوطو والفيلا , والكانط فالبانكه بلا , منين نجيبلك هاذو منيييين
-قلتلها سمعي نقولك , روحي ولي لمك , قوليلها دبر لك , وتخطب لك محمود ياسين ولا انطوني كويييين
*************************** -خطبولي وحده اخرى , طويلة كي السدرة , خاصها شوي توشي القمره , باقي فيها غا الوذنييين
-رقيقة لا تعفط , فاللبسه لا تخلط , غا سكولات في كاغط , وذوك الرجيلات ملويييين
-عقلية حابسة , وجهامة يابسة , تقول نتا كي القابسة , وصباع رجليها كي صباع ليديييين الله يستر
-راسها كامل صلع , مسيرج ومشمع , على حساب ما كتبلع , من فصيلة الثعابيييين
-الرقبة عوجة كي لعقاب , معلقة عشرين حجاب , فمها عامر نياب , اويلي ديت كروكودييين
-خممت مع راسي , نديها نغبن نفسي , نديها نعشي مباصي , ولا نصبح مالمجانين ولا مالمجرمييين
************************** -وحده اخرى كي الموكه , غي ملمدة ومدكوكه , ردتني اضحوكة , قدام الناس والعالمييين
-عندها واحد الرجيلات , بوانتير كارانت كات (44) , تقول عندها زوج قوشيات , حتى سباط ما جاها زيييين
-وجهها كي الكارلاجة , ما تشبه لحتى حاجة , الضحكة كي الكمانجة , تفيق قاع النائمييين
-شعرها واقف كي الضربان , فيها زين الذبان , مطراسيا كي جاكي شان , ديما تنقز فلاكويزييين
-و فالطياب هي الميور , رواح عندي للفطور , تاكل البيتزا بالشيفلور , فوقها الشيكولة والسردييين
************************** -خليتها ودرت الكوراج , قلت انايا نعاود الزواج , ساعه زهري زاد عواج , مع وحده مولات عشريييين
-هي صغيرة و زوينة , بصح عريضة وسمينة , الماكلة بالباسبنة , تقول فيها خمس نساويييين
-الماكلة غي كا تسف , تاكل حتى تترخف , قبضت عليا مرة بكف , ما عرفت الباب والخرجة منييين
-فمها كي الكونكاسور , ليسطوما فيها موتور, تقول غا فلوس نتاع ديناصور , مصروف شهر يمشي فيوميييين
-على جالها درت ساسية , والله ما خلات منها شوية , لبوليس دور عليا , والبانكة تسال فيا الدييين
-فالآخر قلت ما نتزوج شي , ما نبقى مبهذل قدام الغاشي , مره جاي ومرة ماشي , يعسوا فيا قاع الناظريييين
-هاذ القصيدة لا حكاية , غي باش تفاجو معايا , اللي راه مريح حذايا , يدونها فالدواويييين
-نوصيكم يا خوتي , تهلاو فيها بعد موتي , عاودوها لميمتي , ومعاها قاع السامعيييين
-والصلاة على محمد , عداد ما كاين من حد , في هاذ اليوم والغد , وفالسماوات والاراضيييين
تقبلوا تحياتي [/size] | |
|
أمل حياتي 12 مشرفة عامة
عدد الرسائل : 852 العمر : 31 SMS : إجَعـــل ضحًكــــتُك للجَميّـــــــع..
وِلــكـنٌ ٱبّتُسًـــــٱمتُــك.. لشّــخٌـــصِ وِٱحًــــــدُ
وِ ٱجَعــل ٱلحًـبّ للجَميّــع..وِٱلعشّـقَ لوِٱحًــــدُ
إجَعـــــل ٱلكــــــــل يّحًبّـــــــــك..
وِ لٱ تُحًــــــــــبّ إلٱ وِٱحًــــــــدُ
نقاط : 22509 تاريخ التسجيل : 17/11/2012
| موضوع: رد: اضحك مع قصيدة " الزواج " الأحد نوفمبر 03, 2013 8:02 pm | |
| ههههههههههههههههههه على هادي القصيدة ماكان حتى واحد حيتزوج و البنات يبقاو بايرات حرام عليك هههههههههههه | |
|